準備付運的石屎總站

咁辛苦做起批總站, 當然趁交貨前影幾張靚相先啦....

工業安全平頂寶

記得細個最憎坐嘅其中一款巴士就係平頂寶，但到宜家大左，平頂寶偏偏就係小弟最鍾意嘅其中一款巴士模型，可能因為印象深刻而個模又出得似吧。。
今次仲配埋經典嘅工業安全廣告，真係急不及待入返部，可惜出嘅43唔係心水路線。。係時候要動手了。。

今次除左改路線外, 仲跟真車上返個紅色頂, 重建則牌箱,仲有上埋車隊編號同水牌，睇睇下, 80年代既廣告真係特別鮮明, 襟睇.... 真係好正!